Манозири дилнишини диёри Ванҷзамин

Садамаи маргбор дар роҳ ба диёр

  Воқеаи мудҳише, ки дар субҳи рӯзи аввали моҳи август ба вуқӯъ пайваст, аҳли диёрро такон дод. Худраве, ки аз пойтахт ба ҷониби Ванҷ равон буд, дар мавзеи Яхчипуни Шӯробод сарозер ба дарёи Панҷ афтода, бо мусофиронаш ғарқ шуд. Дар натиҷа, се мард, ду зан ва як кӯдак қурбони ин ҳодиса шуда, чанд рӯз аст, ки ҷасади фавтидагонро ҷустуҷӯ доранд.
  Фавтидагон мансуб ба як хонадон, яке аз муаллимони обрӯманди диёр, сокини деҳаи Чихох Садриддин Асоев бо бародару духтару набера, хоҳарзодаи сокини пойтахташон ва ҷавонзани хешовандашон аз деҳаи Мудехарв буданд. Ҳодиса дар рӯзи 1 августи соли 2019 дар мавзеи номбурда, дар маҳалли дур аз сукунату назар ба сабабҳои норӯшан дар соати панҷи саҳар рух додааст. Мақомоти дахлдор ва ҷавонмардони диёр дар маҳалли ҳодиса қарор дошта, ғарқшудагонро ҷустуҷӯ доранд. Ҳоло, ки мавсими серобӣ ва ошуфтагии ин дарёи пуртуғёни кӯҳӣ аст, адои корҳои ҷустуҷӯи дар соҳилҳои он мушкил аст. Матни комил. 

Идомаи сохтмони пули пиёдагарди Бунай

  Умури сохтмонӣ дар пули пиёдагарди Бунай оғоз гардида, бо сарпарастӣ ва маблағгузории соҳибкори варзида, зодаи деҳа Баҳор Мирзоев ин шабу рӯз дар авҷ аст. Сохтмончиёни ширкати Одилҷон Аҳмадов, ки бунёди ин пулро ба зимма доранд, тавонистанд пойдевори бетонӣ ва зерпояҳои ҳар ду тарафи соҳили рӯдхонаро ба анҷом расонанд. Дар ҳоли ҳозир бардошти пояҳои оҳанин сурат гирифта, аз он тарафи дарё – Убара бардошта шуда, иҷрои чунин кор дар тарафи дигари рӯд – Ибара идома дорад.
  Корҳои сохтмонӣ моҳи апрели соли ҷорӣ оғоз гардида, худи соҳибкор Баҳор Мирзоев иброз дошт, ки дар машварат бо сохтмончиён якҷоя ӯҳдадор шудаем, ки бунёд ва сохтмони пули мазкурро то фарҷоми рузаи моҳи шариф ва оғози иди мубораки Рамазон комилан ба анҷом расонем, ва онро чун ҳадяе барои сокинони деҳа ва мардуми шарифи диёрамон дар ин рӯзҳои муборак тақдим намоем. Гузориши Б. Назарзода.

Бунёди пул бар фарози рӯди Бунай

  Иқдоми мазкурро соҳибкори созандаю бунёдкор, зодаи ин деҳаи зебоманзар Баҳор Мирзоев сармоягузорӣ хоҳад кард. Тендери марбут ба бунёди иншоотро пулсози ҷавон, фарзанди диёр – Одилҷон Аҳмадов дастрас намудааст, ки дар сатҳи ҷумҳурӣ чандин пулу роҳҳои мошингард низ сохтааст. Ҳамзамон, ин ҷавони варзидаву кордон, техникаву олоти заруриро оварда, корро оғоз намудааст.
  Ёдовар мешавем, ки бар асари баланд шудани сатҳи оби дарё, об пули сохташударо мебурд ва дар гармии тобистон сокинони деҳа, хонандагон ва мӯйсафедон маҷбур мешуданд, боз 4 км масофа роҳро тай намуда, бо убур кардан аз пули мошингарди поён ба маркази деҳа, ки маркази деҳшӯрои Ҷовидон ба ҳисоб меравад, бирасанд. Ҳамакнун кори анҷоммедода бо риояи талаботҳои стандартӣ, мушкилоти масофаи роҳро бартараф сохта, равуои сокинони деҳаро дар чаҳор фасли сол сабук ва осон мегардонад. Муфассал. 

Ширкати Гулзод дар ҳамоиши байналмилалӣ

  GlzodhamoishУстод Наврӯз Гулзод яке аз донишмандони фарҳехтаи тоҷик аст, ки дар маркази Русия -шаҳри Москва дар Донишгоҳи давлатии забоншиносӣ забони тоҷикиро ба донишҷӯён дарс медиҳад. Усули дурусти расонидани илм ба шогирдон боиси дилбастагии беандозаи ҷавонони рус ба забон ва адабиёти тоҷик гаштааст. Худи устод бо муносибати неку самимонааш дар ин росто соҳиби эҳтироми вижаи донишпажӯҳон ва устодони донишгоҳ гардидааст.
  Чанд рӯз пеш устод бо шогирдонаш ба шаҳри Душанбе рафтанд ва дар ҳамоиши 11 байналмилалии “Гуфтугӯи тамаддун ва забонҳои Давлатҳои Муштаракулманофеъ ва Созмони Ҳамкории Шонхой дар асри XXI” ва ҳамоиши 6 байналмилалии “Мактаби тарҷумонҳои адабиёти бадеии ДММ ва СҲШ ” ширкат доштанд. Суханронии устод ва шогидонашро аҳли нишаст хеле хуб пазироӣ намуданд. Идома.

Пирӯзии ҷавонпаҳлавонони диёр

  MirzomahmadБа илҳом аз қаҳрамонии Хушқадам Хусравов ҷавонпаҳлавонони диёр дар дохилу хориҷи кишвар ноил ба комёбиву пирӯзиҳо гаштанд. Рӯзи 17.02.2019 паҳлавони шинохта, Мирзо Шукориев дар финоли Ҷоми ҷудои Аврупо миёни ҷавонон (дар шаҳри Санкт-Петербурги Русия), ҳарифаш Ибрагимгазӣ Сулейманови доғистониро мағлуб намуда, Қаҳрамони Ҷоми ҷудои Аврупо миёни ҷавонон дар вазни то 81кг гардид. Дигар ҷавонпаҳлавони ҳамдиёр Маҳмадбек Маҳмадбеков дар ин мусобиқа дар вазни 73кг қаҳрамони Ҷоми ҷудои ҷавонони Аврупо гардид.Ӯ дар панҷ набард панҷ пирӯзии соф ба даст овард.
  Агарчанде онҳо Русияро намояндагӣ мекунанд, ҳамеша шаъну шарафи тоҷикро ҳимоят карда, исбот карданд, ки миллати мо низ мисли дигар миллатҳо тавон ба касби фатҳу пирӯзиҳо дорад. Ҳамчунин, ҷавонварзишгарони зиёди ҳаммиллати мо дар навъҳои мухталифи варзиш дар ин кишвар комёбиву пешравиҳо доранд.

Мушкилоти зимистони имсола

  RaipshixarvЗимистони имсола дар нисбати порсола камбарфтар омад, вале ба миқдори назаррас барф борид ва мушкилоте барои сокинони диёр пеш оварда, ҳатто хисорати ҷонӣ дар пай овард. Тавре ки пештар хабар додем, тармафарои сабаби марги ҷавонмарди диёр гардид. Дар байни деҳаҳои Старғу Мурғутгаи Ванҷи Боло тарма роҳ ва иртиботро бо деҳоти болотар баст, вале ҷавонмардон бо қувваи даст роҳро кушоданд. Дар мавзеи Сӯхтгиёи деҳаи Ширговад низ тарма роҳи мошингузарро банд намуд ва он бо техникаи идораи роҳсозии ноҳия тоза карда шуд. Бориши барф сокинони деҳаи Пшихарвро бо мушкилот мувоҷҷеҳ сохт ва онҳо маводи лозимаи рӯзгорро тавассути харҳо ба деҳа мекашиданд.
  Кормандони идораи роҳсозӣ нисбат ба солҳои гузашта имсол дар водӣ амалиёти сареътар доштанд ва барфи боридаро бо техникаи дошта зудтар рӯфта, роҳҳоро кушоданд, аммо ин корро дар тамоми ноҳия анҷом дода натавонистанд.