Ҳайдар Ёров

  haydaryorҲайдар Ёров соли 1958 дар деҳаи Старғи деҳшӯрои Рованд таваллуд шудааст. Соли 1975 баъди хатми мактаб-интерати Ғуҷоваст, аз соли 1976 то соли 1978 дар сафи қувваҳои мусаллаҳи шӯравӣ хизмати Ватанро ба ҷо овард. Соли 1979 ба Донишкадаи тиббии Тоҷикистон ба номи ибни Сино дохил шуда, онро соли 1985 хатм намуд. Соли 1985-1986 дар назди кафедраи ҷарроҳӣ ординатураро ба охир расонид. Аз соли 1986 то ҳол дар беморхонаи Роҳи оҳани ш.Душанбе ба сифати ҷарроҳ кору фаъолият дорад. Ҳоло мудири шӯьбаи ҷарроҳии ин беморхона, дорои унвони ҷарроҳи дараҷаи олӣ мебошад.
Хизматҳои Ҳ.Ёров дар шифо ёфтани ҳазорон беморони корафтода ифода меёбад. Исботи ин суханонро далелҳои зер шаҳодат медиҳанд: дар се-чор соли охир дар амалиёти зиёда аз 400 ҷарроҳӣ иштирок намуда, 220-тои онро шахсан ҷарроҳӣ кардааст.
  Ҳ.Ёров дар баробари корҳои амалӣ боз ба корҳои илмӣ-тадқиқотӣ ҳам машғул аст. Муаллифи зиёда аз 10 мақолаи илмӣ буда, дар конфронсҳои илмӣ на танҳо дар Тоҷикистон, инчунин дар хориҷи кишвар, аз ҷумла дар Минск, Тошкент ширкат варзидааст. Соли 1996 бо унвони “Аълочии тандурустии Тоҷикистон” сарфароз гардидааст.
  Албатта, дар қатори ин табибоне, ки баёни мухтасари шарҳи ҳолиашои дар боло рафт, боз даҳҳо табибони ҳозиқи зодаи Ванҷ дар диёру дигар ноҳияҳои ҷумҳурӣ хизмати халқро ба ҷо меоранд. Дар ин қатор пеш аз ҳама номи Ф.Ҳуронов, З.Наҷмиддинов, ИЛозуриев, М.Нуралишоев, Ҷ.Ризвонов, Х.Аллоева, С.Норов, М. Ишратов, М. Ганҷибоев, И.Фатҳуллоев, Р.Сафаров, А.Зиёев, М.Шукропасва ва дигаронро бояд гирифт, ки ҳазорҳо беморонро муолиҷа кардаву ба фаъолияти меҳнатй баргардонидаанд ва аз ҳама муҳимаш барояшон сарвати бебаҳо – тандурустӣ бахшидаанд. (Аз китоби “Ванҷ”-и Ҳ.Пирумшоев).

Ҳошияи назарҳо

Назари хешро иброз кунед

Email-и шумо мунташир нахоҳад шуд.